De Klimapakt am Kanton Réiden - d'Gemengen informéieren hier Bierger!

Info-Owend iwwer Energie-Gemeinschaften an de Gemengen Ell & Sëll

D'Energiewend bedeit, dass eis Mobilitéit an Hëtzesproduktioun mat Stroum funktionéiere wäert - iwwer E-Autoen & Wärmepompelen - an datt mir ophalen, fossil Energie wéi Gas, Ueleg a Kuel ze benotzen. Vill vum Stroum, deen dofir gebraucht gëtt, kënne mir selwer lokal produzéieren, zum Beispill mat Solarpanneauen op eisem Daach. 

Esou kënne mir Sue spueren an onofhängeg vun externe Stroumubidder ginn. De Stroum, dee mir net selwer benotzen, kënne mir mat eisen Noperen deelen oder mat anere Leit am Land. Dëst kann iwwer sougenannten Energiegemeinschaften oder E-Communities organiséiert ginn

Fir dës neit Konzept un d'Bierger ze bréngen, hunn d'Gemengen Ell a Sëll Info-Owender organiséiert. 

Héich Primme fir Isolatiounsaarbechten & erneierbar Energien an de Gemenge Préizerdaul & Vichten

D'Gemenge Préizerdaul a Viichten si ganz engagéiert am Klimapakt an hu rezent Info-Owender fir hir Bierger organiséiert.

Hei goufe vum kantonalen Energieberoder d'Primme vum Staat a vun der Gemeng virgestallt, déi et fir d'Isolatioun vun Haiser a fir d'Produktioun vun erneierbaren Energie ginn.