Musique dans la Vallée

27. Editioun Musique dans la Vallée

Veröffentlicht: 18/08/2025 - 15:58

Aktualisiert: 27/08/2025 - 09:00

3 Minuten

De Festival Musique dans la Vallée gëtt am Kader vun der grenziwwerschreidender Zesummenaarbecht tëscht der belscher Gemeng Attert an de lëtzebuergesche Gemenge Beckerich, Ell, Préizerdaul a Réiden organiséiert a bitt och dëst Joër e räiche musikalesche Programm.

Samschdeg, 30. August um 20 Auer an der Kierch zu Ell

Op der musikalescher Rees Et in terra pax gëtt virun allem Musek aus der Barockzäit, mat Wierker vu Charpentier, Pachelbel an och Arvo Pärt sengem Da Pacem Domine gespillt. Dëse Concert ass e Projet vun der Académie d‘Arlon zesumme mat de Chanteurs d’Ermesinde an enger musikalescher Begleedung (Gei, Cello, Flütt, Basso continuo an Uergel).

Samschdeg, 6. September um 20 Auer an der Kierch zu Tontelange

De belschen Ensemble Revue Blanche (Sopran, Flütt, Harp an Alto) bréngt e Programm zu Éiere vum Maurice Ravel, deem seng 150 Joer Gebuertsdag gefeiert ginn: Ma mère l’Oye, Le Tombeau de Couperin, griichesch Vollekslidder an nach vill méi.

Samschdeg, 13. September um 20 Auer an der Kierch zu Réiden

Den Ensemble Aïlack (zwee Tenoren, e Bariton an eng Bass-Stëmm) hëlt de Publikum mat op eng Rees duerch d’Däller an d’Bierger vun Osteuropa – vu Bulgarien bis Georgien – mat engem faszinéierende Repertoire aus verschiddene Joerhonnerten. Dobäi gi se vu spezielle Museksinstrumenter begleet, wéi Zither, Chanzy a verschidden Trommelen.

Sonndeg, 21. September am Schuman-Sall zu Attert

15:30 Auer: Le Petit Bossu, e Concert fir Kanner mat franséische Geschichten an och e puer Lidder op Lëtzebuergesch.
18:30 Auer: eng Mëschung aus Konferenz a Concert- iwwer d’Zäit, déi vergeet. D’Sopranistin a Museker spillen zu Biller vu Peter Boel, Van Dyck a Rubens, mat Erklärunge vun der Konschtgeschichtlerin Muriel De Groef iwwert d’Symbolik vun der Nature morte-Konscht am 17. Joerhonnert.

Samschdeg, 27. September um 20 Auer an der Kierch zu Bettborn

De belgen Orchester vun der Fondation Baron Arthur Grumiaux spillt zesumme mat der Solistin Cécile Lastchenko an der Cellistin Stéphanie Huang (Gewënnerin vum Concours Reine Elisabeth 2022). Um Programm: Respighi seng Il Tramonto, Schumann säi Concerto fir Violoncelle an Orchester a Dvořák seng beléifte Sérénade fir Sträicher.

Sonndeg, 5. Oktober um 17 Auer an der Kierch zu Biekerech

De Schlussconcert mam Ensemble vocal du Luxembourg an dem Orchester l’Arpa Festante ënnert der Direktioun vum Matthias Rajczyk. Um Programm: Passio secundum Joannem an Auszich aus Responsori per la Settimana Santa vum Alessandro Scarlatti, zu sengem 300. Doudesdag.