Koll an Aktioun – de Festival fir jiddereen vum 6. bis den 8. Juni 2025

Koll an Aktioun gëtt vun der Kollibri a.s.b.l. um historesche Site vum Schifermusée zu Uewermaartel organiséiert. Zanter der éischter Editioun am Joer 2014 zielt de Festival bis zu 3.000 Visiteuren iwwert de Péngschtweekend.

Dëse multidimensionalen a participative Festival bitt e faarwegen a villsäitege Programm mat Musek, Stroossekonscht, engem lokale Maart, Ausstellung, Atelieren a Gastronomie. Fir all Goût ass eppes dobäi, a gläichzäiteg sti Prinzippie wéi Nohaltegkeet, Geschlechtergläichheet an d’Kreeslafwirtschaft am Mëttelpunkt. 

Accessibilitéit & Solidaritéit 

anter dem Ufank setzt Koll an Aktioun sech fir e regionalen, zougängleche Festival fir all Mënsch an. Dofir gouf eng präisbewosst a fair Tarifpolitik entwéckelt.

Mam Prinzip "Bezuel wat’s de kanns", kombinéiert mat engem Minimumspräis, gëtt et de Leit, déi méi finanziell Mëttel hunn, d’Méiglechkeet, anere méi manner bemëttelten den Zougang zum Festival z’erméiglechen.

Zousätzlech gëtt et och eng reduzéiert Entrée iwwer de Kulturpass. Als familljefrëndleche Festival ass den Entrée fir Kanner a Jugendlecher ënner 16 Joer gratis. 

Fräien Zougang op d’Zone vum Festival!

Genéisst Iessen, Gedrénks, Konscht a Maart – ganz ouni Ticket!

Ticket erfuerdert fir: 

• Concerten 
• Shows 
• Besonnesch Beräicher

Ëffnungszäiten

• Freides: 19h00-21h00
• Samschdes: 16h00-02h00
• Sonndes: 11h00-00h00