De berüümte Magier David Goldrake verzaubert säi Publikum am Atert Lycée Réiden

Den 23. Februar huet d'Kulturmillen vu Biekerech am Atert Lycée Réiden de Spektakel „25 Years of Magic“ vum Magier David Goldrake presentéiert. 

Virun engem ausverkaafte Sall mat 300 Leit huet de Kënschtler - dee vu Lëtzebuerg staamt an elo zu Las Vegas wunnt – e Best of vu senge bekanntste Magietricken gewisen. Hien huet natierlech mam spektakulären Aquarium-Prison-Trick ofgeschloss, bei deem hien an engem Waasseraquarium ënnergedaucht ass, wärend seng Hänn hannert dem Réck ugebonne sinn. 

Eng spektakulär Show voller Faarwen a Spannungsmomenter, déi Jonk an Al begeeschtert huet!